nO NaME

WhAt u sEE wHat U GeT
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 عنك إذا سألوني .. لعلي السقاي

اذهب الى الأسفل 
كاتب الموضوعرسالة
wh!te
صديق المنتدى
صديق المنتدى
avatar

عدد الرسائل : 350
العمر : 28
تاريخ التسجيل : 12/12/2007

مُساهمةموضوع: عنك إذا سألوني .. لعلي السقاي   الإثنين ديسمبر 31, 2007 11:07 am

بسم الله الرحمن الرحيم

اللهم صل على محمد وال محمد
.. عنك إذا سئلوني ..

للرادود باسم الكربلائي و الشاعر علي السقاي

عنك إذا سئلوني - تفضحني بيك عيوني
يا المجتبي وبحبك - مفتونك يسموني
هالحب ساكن أجفاني
يا المجتبي وبحبك - مفتونك يسموني
يا نور العين
عنك إذا سئلوني - تفضحني بيك عيوني

إنت الحسن وبذاتك كل الحسن يتجمع - من أصلك اللاهوتي معنى القدس يتفرع
خيوط الشمس من وجهك عالدنية تزهي او تسطع - سيد شباب الجنة والجنة دونك بلقع
لاون گلت ما أبالغ بيك الرسل تتولع - موسى ابعصى ثعبانه إلساحر جمالك يخضع
داوود تكسر درعه ابشوگك لون يتدرع - أيوب لو يتصبر صبره ابمجبتك يجزع
سبحانه رب القدرة يا قدرة قادر - يا الحسن صاغك أمره بالحسن الزاهر
حسنك أجل من فكرة ينظمها الشاعر - يامن ابأول نظرة يهواك الناظر
يل جمالك - من كمالك
مرهونة روحي ابكيفك - وأرخصها حتى إلشوفة طيفك
يل بيك اجنوني

للهادي يا ريحانة بضلوعي شوگك يكبر - ما أملك أكبر منه بس چلمة الله أكبر
كل سائل إليسألني عنك يا ضنوة حيدر - بعيوني يلگة اجوابي ابحبك او ما يتغير
حبك أحضنه ابجفني جفني اويا حبك يسهر - دجلة او فرات آمالي تروي لي حلمي الأخضر
وعيوني كل ما ترمش كل ما محبتك تكثر - عاد إحسب اشچم مرة والناتج اشيتقرر
وإحسب ابعالم صدري چم نبضة ابگلبي - كل نبضة لاون تدري اتعبر عن حبي
دمي ابمحبتك يجري او خل يشهد ربي - فدوة إلك كل عمري يا راسم دربي
عمري فدوة - للي أهوى
ابعمري إشتريت اوصالك - بس لحظة تصفالي او أدنالك
لا تخيب اظنوني

حگه البدر بوجودك ما يظهر إلا خلافك - حين إلي تسهر حگه هالليل لو ما عافك
بدر او شمس واتلاگن و صار الوجه مضيافك - من وجهك او أنواره اتغار الشمس وتخافك
هالعالم ابكل حسنه إلهامه من ألطافك - للحسن تفصيلاته والمختصر بشفافك
حتى إلي ما يتغزل يتغزل ابأوصافك - الأخرس تنطق السانه يا المجتبي لو شافك
كل الذي يتأمل بعض امن آياتك - ابلا رادة لن يتغزل ويوصف ذاتك
ايحير اشيوصفه الأول يبدي ابقسماتك - لو يلي جفنك أكحل يبدي ابنظراتك
ابهالمحاسن - والمفاتن
حاير شگولن عنك - وأسهر ليالي او أشكي لحسنك
ذوبت اجفوني

معجم مضامين الحب ما يفتهم مضمونك - كل المعاني إحتارت يا سيدي بعيونك
أهمس لون أنظرهن هونك عليه هونك - سهم الرمش لو تدري صوب گلب مفتونك
وبهالعشگ لو گالوا قيسك أنا او مجنونك - سبعين قيس ابمثلي ما گدروا ايعشگونك
عاشگ أنا او هالوادم يدروني رهن اجفونك - خاف أحچي عنك وأحچي ايحسدوني ويحسدونك
خل كل حسود او لايم يتركني ابحالي - مهما يريد ايساوم ما أبيع الغالي
آنه ابإمامي هايم وأكتب آمالي - گلبي اعلى كل حب صايم هالحب اهلالي
يا إمامي - يا هيامي
أقسم ابإسمك أقسم - ماعوفك او عذالي ما يهم
خلي يلوموني




للإستماع :-

http://shiavoice.com/sound.php?catid=1976

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
The DoN
V.I.P
V.I.P
avatar

عدد الرسائل : 1842
العمر : 27
الموقع : http://sado0oqi.hi5.com
تاريخ التسجيل : 10/12/2007

مُساهمةموضوع: رد: عنك إذا سألوني .. لعلي السقاي   الإثنين ديسمبر 31, 2007 11:15 am

قصيدة روعة

شكرا على الجهد المبذووول

وتحيااتي

_________________


Life iS Tough






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://yoyo2009.ahlamontada.com
ذكرى الماضي
عضو نشيط
عضو نشيط
avatar

عدد الرسائل : 61
العمر : 24
تاريخ التسجيل : 09/01/2008

مُساهمةموضوع: رد: عنك إذا سألوني .. لعلي السقاي   السبت يناير 12, 2008 5:12 am



يــــــــــســــــــــلــــــمــــــــووووووووو ع القصيدة الرائعة Wink
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عنك إذا سألوني .. لعلي السقاي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
nO NaME :: إسلاميات :: الصوتيات والمرئيات-
انتقل الى: